Stutt samantekt

Fyrir um áttatíu árum síðan i fjöllum Tævan áttust tveir ættbálkar við í trúabragðastríði.

Annar tilbað regnbogann, hinn sólina. Hvorugur ættbálkurinn gerði sér grein fyrir því að þeir tilbáðu báðar sama himininn.

Í „Hermönnum Regnbogans“, epískri stórmynd frá leikstjóranum Wei Te-Sheng, rifjar hann upp ótrúlega sögulega 20.aldar atburði sem eru jafnvel huldir heimafólki í Tævan. Milli áranna 1895 og 1945 var eyríkið japönsk nýlenda sem var að meirihluta til búsett kínverskum innflytjendum af Han-ætt en einnig frumbyggjaþjóðum sem fyrst námu þetta fjöllótta land. Árið 1930 settist Mouna Rudo, leiðtogi eins Seediq-ættbálksins, að með sínu fólki á og umhverfis Chilai-fjall þar sem hann myndaði bandalag með öðrum Seediq-ættbálkum um að undirbúa uppreisn gegn japönsku nýlenduherrunum. Uppreisnin hófst á íþróttaviðburði þar sem ættbálkarnir höfðu hópast saman og var ætlað að ráðast gegn og drepa japanska embættismenn áður en uppreisnin bærist út til lögreglustöðva nágrennisins og annara stjórnsetra í héraðinu. Uppreisnin kom Japönunum algjörlega í opna skjöldu og heppnaðist að nær öllu leyti. En fljótt sendu Japanirnir heri sína inn til að berja á uppreisnarliðum og beittu þar bæði flugher sínum sem og eiturgas-árásum.

Mouna Rudo vissi frá upphafi að hinir tiltölulega fámennu heraflar Seediq-ættbálkanna höfðu ekki roð við hinn öfluga japanska her. Hann og bandamenn hans leituðu þó stuðnings í trúnni og goðsögnunum sem fylgt höfðu ættbálkunum frá örófi alda. Ungir karlmenn meðal ættbálkanna gengust undir innvígslu-athöfn til að vera teknir inn í tölu fullorðinna og öðluðust þar með réttinn til að húðflúra andlit sín. Þannig urðu þeir hetjur ættbálkanna eða „Seediq Bale“ líkt og það nefnist á þeirra tungumáli. Þeir trúðu því að þegar að þeirra tími kæmi myndu forfeður þeirra leiða anda „Seediq Bale“ yfir regnbogabrú og til móts við þá upp á fjallstoppi. Hvernig svo sem þeim myndi reiða eftir uppreisnina gegn Japönum myndu þeir þramma saman í sigurmars yfir regnbogabrúna. Hetjuskapur og hugrekki Seediq-stríðs-manna og kvenna kom jafnvel Japönunum á óvart og ávann þeim varanlega virðingu.