Stutt samantekt

Árið 1928 þegar að Tævan var undir nýlendustjórn Japan, var Kagi Landbúnaðar- og Skógræktunar-ríkisskólinn (skammstafað KANO eftir japanska heitinu á skólanum, KAGI-NORIN) settur á stofn til þess að ýta undir þróun á landbúnaðarafurðum landsins. Hafnaboltalið KANO skólans var í upphafi aðeins íþróttafélag sem átti að stuðla að líkamlegu hreysti stúdenta. Liðsmenn grunaði aldrei að koma þjálfarans Kondo ætti eftir að umbreyta liðinu og gera það að goðsögn í hafnaboltasögu landsins. Fyrir alla unga hafnaboltaleikara er Koshien-keppnin (japanska framhaldsskólakeppnin í hafnabolta) æðsta takmarkið. Fyrir unga, upprennandi bændur, líkt og meðlimi KANO liðsins, var keppnin langt utan nokkurar seilingar en takmark Kondo var að draumurinn um keppnina yrði að veruleika. Hann lagði stífar æfingar fyrir leikmenn sína og náði því besta út úr liðinu og hæfileikum sinna leikmanna sem voru af japönskum, tævönskum og frumbyggja-uppruna. Eftir þrotlausar æfingar í heilt ár var liðið orðið vel mótiverað og þyrst í sigur sem aldrei fyrr eftir þónokkra tapleiki í röð. Þvert á væntingar fólks vann þetta óþekkta lið undankeppnina heima fyrir og ávann sér keppnisrétt á Koshien-mótinu. Þar spiluðu þeir fyrir framan 55.000 áhorfendur sem var draumi líkast jafnt fyirr leikmenn KANO liðisins sem og Kondo sjálfan.

KANO strákarnir áttu í vök að verjast í úrslitaleiknum gegn sínum sterkustu andstæðingum. Ekki skánaði ástandið þegar að aðal-kastari þeirra meiddist. Samt sem áður sýndu þeir sannan liðsanda og tókust saman á við mótlætið.

Með brennandi áhuga á hafnabolta að leiðarljósi neituðu þessir bóndastrákar frá suður-Tævan að gefast upp…