Um myndina

Leikstjórinn Singing Chen beitir margslunginni frásagnartækni, þar sem þrír hópar karaktera koma við sögu, til að segja flókna samtímasögu frá Tævan. Togstreitan á milli borgarlandslags vesturhluta eyjunnar og dreifbýlla sveita austurhluta hennar birtast hér í „BOT innrás“ austurstrandarinnar, leiddri af fasteigna-kapítalistum, og í daglegum keyrslum bænda frá strjábýlum austurhlutanum með ávexti á borgarmarkaði vesturhlutans. Vegna sósíal-pólítískrar sögu Tævan skarast stéttarbaráttan oft á milli þjóðarbrota. Þetta sést greinilega hjá pörunum tveimur í myndinni: annars vegar millistéttarfjölskylda af Han-ætt og hins vegar frumbyggjafjölskylda af verkalýðsstétt. Myndin reynir að draga fram mismuninn á milli húsa, heimila og fjölskyldna. Sumar fjölskyldur sundrast þó þær búi í stóru húsi. Aðrir reyna hvað sem er til að sameina fjölskylduna á ný. Enn aðrir eru heimilislausar og búa án þaks eða veggja en fjölskylduböndin byggjast á óvenjulegu sambandi föður og sonar á vergangi. Tævan er eyja innflytjenda og sem slík samanstendur hún af ýmsum trúarhópum, kristni, taóisma, zen-búddisma og andatrú ættarsamfélaganna. Samt sem áður er það svo að þegar að herlögunum er aflétt og styttunum af einræðisherrunum er velt af stalli tekur kapítalískt einræðið við af pólitíska einræðinu. Fólk tilbiður goð sín til að öðlast auð og gæfu en þegar efnahagsbólan hjaðnar eru skurðgoðin yfirgefin. Hinn bæklaði Guli Boli tekur að sér goðin þar sem þau eru á flækingi og veitir þeim húsaskjól sem tákn vonar um andlega endurlausn.